我想要一隻穩陣的投資!
先讀前文回報波幅 及 回報波幅及Sharpe Ratio
買呢隻野穩唔穩陣?
相信有好多人俾人sell投資產品時會有呢個問題問sales，我冇興趣個sales點答（反正無論答乜野，sales都浄係想你落踏），反而有興趣乜野叫做「穩陣」。
我發現一般人對「穩陣」有以下三個想法：
- 零回報
- 零波幅
- 零蝕本
- 價格（price）或價值（value）不變（零回報）
其實很難有野係價格或價值不變，現金貨幣會隨時間及通脹率變化而有價值（value）的升跌，房地產、黃金、鑽石、名錶、名酒等實物都係一樣，受政治經濟影響。債券受利率影響。股票更加時時刻刻上上落落。況且，價格或價值不變，即是沒有回報，追求零回報不難，只要將追求價格或價值不變，可能只有抗通脹債券比較接近。
- 回報不變 （零波幅）
直覺想法是債券票據等定息投資物，由於有合約條款規定，每期的利息大致相同，只要發行人履行約定，回報及本金回收大致不變。回報不變理論上是可行，可是定息投資物通常要求長年期投資，有否耐性持有到終點，是個疑問。況且，回報的要求會按外間其他投資物而變化。最有可能的投資物只有有保證成份的保單或銀行定期存款。
- 只要賺錢 （零蝕本）
如果你試過一買入自以為穩陣的股票或基金，但一買即跌，一路插水，最終只好擺埋一邊等返家鄉，而當有一日忍唔住拎番出黎賣出止蝕，個股價又火箭型出升。講得出呢啲經歷，只說明你只係口講穩陣，其實個心係想只賺不賠。
只賺不賠是理論上可以，實際上可行，操作策略是用時間換取零蝕本。
例如買美股ETF SPY，它的年均回報為7%，按年波幅為13.9%（按月波幅為4%），按常態分佈統計原理計算，一年後零蝕本（回報為0%或以上）的機會率是69.3%。
如果年期加長到10年，平均總回報為70%及總波幅為44% （13.9%乘以10的平方根），10年後零蝕本 （回報為0%或以上） 的機會率會上升至94%。如是者，年期越長，只賺不賠的機會率越高。
下表列出不同年均回報，不同按月波幅，如果要求99.8%零蝕本機會率之下，年期會是多少。
可見，如果回報越高，波幅越低，零蝕本的投資年期會越短。
當你20歲初出茅廬，退休前投資期還有45年，如果想有99.8%機會只賺不賠，可以考慮美股ETF （SPY 年均回報為7%，按月波幅為4%），零蝕本的投資年期為35年。
如果年過70歲，投資期大概不足20年，可考慮債券ETF （AGG 年均回報為4%，按月波幅為1%），零蝕本期為7年。
上表中有一個有趣的顯示，如果你的投資表現年均回報為1%，按月波幅為10%，即是那些道聽途說、攞number、抄仙股、贏粒糖、輸間廠、成手蟹貨等家鄉的專業散戶，要達到99.8%零蝕本的年期將會是……
一萬年！