第200篇文章
續前文：第100篇文章
距離前文第100篇文章大概一年三個月的時間，期間無間斷地每星期五一篇文章，終於又到了第200篇文章。
200篇文章總有些多人睇，有些少人睇，大家睇下少人睇嗰啲你睇過未？
| 多人睇 | 少人睇 | |
| 1 | ||
| 2 | ||
| 3 | ||
| 4 | ||
| 5 | ||
| 6 | ||
| 7 | ||
| 8 | ||
| 9 | ||
| 10 |
文章多人睇抑或少人睇，可以反映對MPFDIY.com有興趣的人的口味。但筆者沒有刻意遷就口味去寫文章，文章主要是筆者興之所至的產物，有時一日寫幾篇，有時一個月都冇嘢寫。有些文章寫完了很久都沒有出街，例如筆者已經寫了收息股、房託股等一眾傳媒大眾鼓吹的退休投資物，但希望自己的想法經過更長時間的印證，寫了已經2年多，還想等下先出街。另外，對股債匯的投資策略沒有寫下來，一來比強積金7招複雜得多，二來與《積金大反擊》及MPFDIY.com的公益性宗旨夾不來。
針對強積金的文章，有時都寫到諗唔到有咩好寫。文章不重複是MPFDIY.com宗旨，口水感想文盡量不寫（如本文）。強積金新聞及資訊一向不多，近年還愈來愈少。以往都話有財演鬧下抽下水，今年（2018年）股市插水，財演收晒皮工，而強積金業界好像仍沉醉於2017年的好市，2018年靜到宣傳片及講座都十分少做。
本站主要是輔助《積金大反擊》一書，《積金大反擊》都出版了一段時日，買的已買，睇的已睇，買左未睇的就要快啲睇。未買未睇或不買不睇的，其實都應該唔會睇MPFDIY.com，因為未睇過書，唔會好明點解有人傻到認為可以『單靠強積金退休』，呢句全香港人一致不認同的『謊言』。
《積金大反擊》及MPFDIY.com就是從這句『謊言』而誕生，令筆者有機會與積金局、計劃搞手、電視台、報紙、雜誌、講座、分享會等關心強積金的各人接觸交流，已經大大超出筆者出書的原意（當初一心只打算過下作者癮）。
未來，希望有人可發掘出更多適用於強積金的投資策略，而小市民及打工仔都自己可以操作運用的策略，令投資活動不是定期求神問卜等待專家派number講預測的風水學旁支。
上表內少人睇的文章，有幾篇是介紹幾百年前帶領全人類由啟蒙進入現代的偉人，好像高斯及康德。
「何謂啟蒙」？就是人類擺脫依賴自己的無知，轉變成為立身自主。擺脫依賴風水投資，積極面對財務自理，管理強積金及退休理財其實像刷牙洗面般的個人自理，又有何難？
Image from thekatet.co.uk