免費係最貴？
之前訪問Aqumon 時做了一些資料搜集，見到不少證券行有推出零佣服務。
當證券行這類中間人不收服務費，第一時間就要問他們靠什麼食飯？
香港的零佣證券行大多話自己靠孖展利息與及附屬服務例如報價。筆者有些疑惑，香港人的槓桿投資集中於衍生工具，除了抽新股外，究竟會有幾多人會用P+幾% 去借孖展炒港股咁傻仔？
美國零佣證券行，近期大熱的有Robinhood ，Robinhood 除了零佣之外，還不設最低金額，吸引了不少年青人及day trader日日炒股，可算是顛覆了市場。
可是，近期有一則負面新聞，是一位擁有Robinhood 戶口的年青人，因為見到戶口結餘是負數幾十萬美金，以為自己蝕好多而自殺(見此) 。
Robinhood 像義工般的零佣生意愈做愈大，已經融資了9億美金，好多人想探究一下它是如何賺錢 ，有人(見此) 有以下估計：
1. 其他交易或戶口收費；
2. 現金結餘息差；
3. 孖展收費；
4. 借出股票；
5. 兑換收費；
6. 賣出落單排盤 (payment for order flow)
好多人認為第6項 payment for order flow (PFOF) 是Robinhood 真正賺錢的地方 (見 1 2 3)。
什麼是 order flow ? 簡單說是「待交易的買賣單」。Robinhood 的零佣及大量day trader下會擁有大量 order flow ，正常來說Robinhood 收到買賣單指示便要幫客戶排隊出貨，殊不知Robinhood這條隊是賣給了他人(如Citadel)，將客仔的買賣單轉賣給第三者，有點像用Facebook 唔駛錢，但賣晒你啲喜好、行為及私隱一樣。
有些人說證券行賣order flow 對客仔的買賣冇影響，買賣價格是客仔自己訂，又一樣都係排隊。但試問為什麼有第三方會肯出錢買？唔駛問阿貴都知係有利可圖。
以往有人花鉅資直駁光纖去交易所，都只是希望快人幾微秒去做high frequency trading，依家有一堆order flow 任睇，好過駁光纖。被出賣order flow 嘅散戶，最終會發現買貨時要mark 高啲先買到，賣貨時要mark 低啲先賣到，情況像前文說外匯broker 一樣。
證券行要幫助客戶以最好價格進行交易，有道德責任，但賣order flow 或多或少有利益沖突。而事實上Robinhood 因賣 order flow 而被監管機構於2019年處罰了1.25mil美金(見此) 。不過之後Robinhood 繼續賣，因為只要disclose 給客戶就冇問題，用1球來試出監管機構對新事物的底線都幾抵。
小結
免費係唔係最貴？做生意拉上補下在所難免。
大家用左gmail 及hotmail 咁耐有冇俾過錢？免費服務背後包含無形及間接的費用，是互聯網天生的特色；堅持等價交易的人士，是否仍然抱有中古思維？
接受不可改變的，改變不可接受的。人類的生活，無止境地在兩個極端內劇烈擺動。
延伸視頻
想學order flow於股票交易呢啲新概念，在俾錢坊間廟祝之前，不如跟啲真正嘅高人學習一下。以下有免費的Coursera課程，由耶魯大學的Robert Shiller 講授：
https://www.coursera.org/learn/financial-markets-global#syllabus 單元六內有payment for order flow
Robert Shiller是誰？2013年諾貝爾經濟學獎得主，CAPE 又稱為Shiller P/E 的創始人。唔識CAPE？爬下文 1 2
