人口結構

香港人口於近年出現大幅變化，直接影響人口結構，與及退休部署。

下圖顯示了香港由2017年至2024年不同年齡層的人數變化：

從上圖，第一眼就見到70-79歲人口由2017年至2024年急速上升63.28%，這班就是二戰後的嬰兒潮人士。

跟住會留意到20-29歲及0-9歲年齡層大幅下跌20%以上，移民因素，路人皆見，20-29歲大人大姐有腳識走，但0-9歲應該要家長陪同。咁家長層有冇下跌？30-39及50-59下跌6%-7%, 而40-49組別則有上升，原因可能有新移民補充。

至於10-19歲沒大變化，可能是完成中學階段再算。

上圖是變化百份比，而下圖是各年齡層佔全體人口的比例：

可見香港年輕人嚴重不足，24歲以下只佔總人口20%。

60-69歲年齡層人數是最多。

還有，女性比男性高很多，以適齡結婚年齡計，每3個男人便有4.5個女人，如果唔包二奶，有1.5個女性無著落，即係有1.5/4.5=33% 女性未婚，大家留意下身邊女性是否如此。其實兒童人口少與未婚女性人數多都有點關係。

中國情況是男多過女，是一孩政策的遺害，而近年躺平文化之下0-4歲人口比例與香港近似。

日本人口結構上闊下窄十分明顯，45至55歲人口層有排都退唔到休。

香港對手星加坡又點呢？年輕人數少其實與香港不遑多讓。倒三角結構可能比日本更嚴重，而且男多過女。

要解決人口結構問題除左叫人多生育，最快是搶人材，移民大國加拿大的人口結構如下：

澳洲與加拿大的圖表差不多：

全球最強經濟體美國的人口分布很平均：

全世界則是正三角形：

小結

公司有succession plan, 邊個退休or 辭職 or 炒左會有計劃由邊個頂上，咁香港10年20年之後點呢？淨係開門由大陸人湧入？定係統計處遲啲唔統計人口，好似大陸年青人失業率咁，唔計當無問題？

延伸閱讀