強積金全自由行的假想
按積金局黎緊嘅大計，當eMPF告一段落之後，就開始全自由行，即係僱員可以唔跟僱主所揀嘅計劃，而自行選擇計劃。對比現時半自由行只可以一年一次將僱員強制性供款轉移，但僱主部位唔轉得，全自由行就可以將僱主強制性供款由僱員去自行選擇計劃。
https://www.mpfa.org.hk/mpfa/blog/20241027
筆者對末來的強積金全自由行作出一些假想：
E-mpf : 日後eMPF 平台漸漸變成Amazon或淘寶，各個計劃有一個檔口。所以最好於每一個計劃入少少錢開個戶口，放便全自由行之後，如果想由一個計劃內某一基金轉而投資另一計劃內某一基金，預先有晒兩個計劃嘅戶口，轉移資產唔駛先搞開戶，轉移時間應該會快啲。
Sponsor : 計劃搞手及營其實要諗下新發展，例如加多啲基金及減收費，因為在Amazon 及淘寶平台就像紅海屍殺，邊個減價慢，邊個基金少，嗰個就快啲收皮被人食左。
Fund manager: 基金公司應該向各計劃推晒已批準的基金納入計劃上架，而未批準的就快啲成為成份基金的批準生，尤其 multi asset class, multi strategy, multi theme嘅基金，人做我唔做，殺出新血路。
市民： 當市民被洗腦以為eMPF方便整合戶口，減少管理MPF煩惱嘅時候，其實全自由行+eMPF反而更加適合戶口之間的資產轉移。上面講左，有你冇你開晒啲account ，如果全自由行之後不同計劃轉移的時差可以做到與現時同一計劃內不同成份基金之間轉移一樣快，那麼MPF投資策略會有變化，變得可以跨計劃去配置最好portfolio，不受單一計劃所限制 ，日後再配上最好TAA 去打做best return-fee ratio回報波幅比率，更加優化強積金回報，能夠真正地打造長勝強積金。
總結
全自由行唔會衰過半自由行，半自由行唔會衰過轉工先有得走，所以同質化下各計劃於紅海鬥低費用及多基金。
相信積金局有左eMPF之後都夠水喉自肥，賺夠留返啲被其他人賺下，所以暫時sponsor都有得玩。不過sponsor要居安思危，諗下在合規合法情況下與其他業務合作。例如65歲後唔攞MPF可以每個月送飛睇熊貓，或者銀行存款加強積金資產合計到一個額可以升級帳戶level，唔駛排隊之類，總之要搞搞新意思。