從2035年回望2025年

新一年總係有好多人講來年展望，香港財經界就有新勢力七師傅輾壓食file財演，海外就睇下一啲傳統大佬表演。

以下將Cliff Asness的2025年展望翻譯，原文見此:

坐喺 2035 年，回望過去十年嘅投資表現，真係唔舒服。全球市場唔掂，而我哋基金嘅表現仲差過平均。艱難嘅日子雖然可以學嘢，但個學費好貴。

美國股票
原來喺 CAPE 高達 30 幾投資美國股票，結果真係失望。即使盈利增長強勁，但因為估值由 30 幾跌到 20，十年回報只係跑贏現金少少。睇嚟，CAPE 準則高企真係唔係好消息。

債券
通脹喺 3-4%，美國債券表現一般，實際回報低於長期水平。不過，至少比美國股票少啲驚嚇。孳息率有啲改善，但市場對長期債務問題過於樂觀。

國際股票
非美國股票嘅表現健康，跑贏現金 5-6%。當然，結果再次證明，美國公司最好，但為咗追求更高估值，犧牲回報。國際多元化喺呢十年終於發揮咗作用，但我哋喺 2025 年刪咗非美國股票基準，呢啲得著無助於基準比較，實際回報都唔靚仔。

私募股權
公開股票失望，私募股權更加離譜。雖然理論上可以減少波動，但實際上，槓桿股票都係股票。呢類資產唔單止跑輸公開市場，風險仲差唔多。更諷刺嘅係，經理人喺呢十年賺咗大錢，而投資者就吞咗啲所謂「風險分散」嘅苦果。

加密貨幣
當 2024 年比特幣升到 10 萬美元，我哋加入 5% 配置，仲喺 25 萬美元時 double 到 10%。今日，比特幣跌返 1 萬。唯一值錢嘅係某啲加密貨幣，但我哋因為活躍選股經理嘅失誤，又吞咗一啖大風險。

主動管理
喺 2025 年，解僱咗啲「平價、低風險」經理，轉而投資「高波動、唔賺錢」股票，結果點知係災難。原來主動管理係一個長期輸家，而我哋仲加劇咗呢個問題。

流動另類投資
我哋放棄咗「追隨趨勢」策略，但原來佢喺呢十年有效減少波動。相比之下，堅持嘅「尾部對沖」失敗，因為期權金成本過高，未能喺幾次熊市提供保護。

總結
過去十年，我哋犯咗好多錯誤，從過高估值入場，到錯過有效嘅分散化策略，再到過份追逐短期「安全」。艱難日子固然值得學習，但代價真係太高。未來十年，似乎有好多反省空間，希望呢次真係學到嘢。

以上只係Cliff Asness 亂諗，睇完”哦”就算，唔駛太認真。未日論於2025 年-2035 年10年間一定會講中一次。

諗住真人展望比較負面，點知原來AI 仲衰，以下是一段由ChatGPT所作出的回答，估唔到AI 仲負面:

OK OK，新年流流應該正面啲，筆者的投資心態年年一樣 – 回報同波幅 – 好悶但好有效。