2025年展望

眨眼又到新一年，2025年展望又係俄烏戰爭快啲完，俄羅斯快啲輸。

香港方面就經濟復常，政府識得點樣控制財赤，而唔係靠食老本或借貸渡日。

強積金方面就係eMPF順利完成，全自由行快啲啟動。

個人就繼續搞搞新投資策略，近期鑽研了一個運用於crypto的策略，但由於回測年期太短(得幾年)，波幅太高，策略內容不公開，只試下展示每日策略持有物及回報波幅，作為公測。

回測結果: 2020年11月至2024年12月

年均回報:137%

按月波幅:14%

這個crypto策略要每日檢討，每日攞一次crypto價格作計算，由於crypto 7日24小時運作，所以定於UTC+0 時間，即格林威治時間零時作計算，大約等於香港時間早上8時。

投資物為鏈幣，暫時有7隻，見此。鏈幣選擇TVL(total value locked) 較高的，與及回報/波幅比率較好的，有可能隨時加減，例如ETH暫時沒有考慮。

回報展示只是paper trade 結果, 沒有考慮買賣差，滑價，手續費，資金費率等等，實際成交價不一定等於UTC+0 時間零時的價格。

策略每日UTC+0前後會手動填上當日資產配置，作為當日之後24小時的持有，由0% 至100%不等，合計少於100%的話，就是放到cash，即是沒有投資。

由於是手動update，未必能每日準時更新，所以只是展示用途，不是跟隨買賣，要知此crypto策略回測的年回報是100%以上，按月波幅為10% 以上，絕對絕對不能all-in，更要預左蝕晒全部本金。

幣圈一日，人間十年。crypto波幅超大，每日用一個價格去計算的波幅，不能代表當日升跌深度，所以策略回測的按月波幅是10%以上，但實際單日高低差可以達30%-50%或更多。

只有正股投資經驗的話，預左蝕晒本金；時刻睇市的話，預左心臟病發。

還有，此策略的槓桿不要超過2-3倍，否則極端情況單日爆倉。

Cefi及Defi皆可，入金出金平台之類的crypto初哥Q&A請自行研究，記得crypto世界兩大原則：

DYOR – do you own research (即係生死自理，與人無關，賺錢唔會益人，蝕錢唔好賴人)

Not your keys, not your coins (即係多platform多protocol多鏈多帳戶，不要單一all-in)